მარგალიტა ჯაფარიძე

მარგალიტა ჯაფარიძე

აღმასრულებელი დირექტორი

2016 წლიდან არის ირის ჯგუფის აღმასრულებელი დირექტორი. დაამთავრა თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი ჟურნალისტიკის მიმართულებით. აგრეთვე, სწავლობდა რადიო თავისუფლების ერთწლიან მედიასკოლაში მულტიმედია ჟურნალისტიკას. ხანმოკლე პერიოდის განმავლობაში მუშაობდა რეპორტიორად სხვადასხვა მედიასაშუალებებში. 2012 წელის განმავლობაში იყო პროგრამების ასისტენტი არასამთავრობო ორგანიზაციაში პოლონეთში, ხოლო 2014 წლიდან არის ირის ჯგუფის პროგრამების მენეჯერი. 2015 წელს სტაჟირება გაიარა უმცირესობათა ევროპულ ცენტრში, გერმანიაში. ინტერესის სფერო: სამოქალაქო განათლება, ინტერკულტურული ურთიერთობები, მრავალფეროვნების მართვა, მედია.

თამთა შეყილაძე

თამთა შეყილაძე

პროგრამების მენეჯერი

თამთა 2017 წლის ოქტომბრიდან მუშაობს ირის ჯგუფში, თავიდან ასისტენტ კოორდინატორად. ამჟამად არის საგანმანათლებლო პროგრამების მენეჯერი და კოორდინატორი. ახორციელებს პროგრამა "მრავალფეროვნების სკოლას" და სხვა საერთაშორისო საგანმანათლებლო პროგრამებს. დაამთავრა თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი, პოლიტიკის მეცნიერების განხრით. ამჟამად სწავლობს თსუ-ში "გენდერის კვლევის" სამაგისტრო პროგრამაზე. ირის ჯგუფის საქმიანობაში ჩართულია 2016 წლიდან. არის 2016 წლის "მრავალფეროვნების სკოლის" კურსდამთავრებული და პროგრამის მენტორიც. ინტერესის სფერო: არაფორმალური განათლება, სამოქალაქო აქტივიზმი, კინო, ასტრონომია, მოგზაურობა.

ანა ვირსალაძე

ანა ვირსალაძე

დირექტორის მოვალეობის შემსრულებელი

ანა 2018 წლის ივნისიდან მუშაობს ირის ჯგუფში ჯერ სტაჟიორად, ახლა კი პროგრამების მენეჯერად. საქმიანობის ფარგლებში კონცენტრირებულია მრავალფეროვნების სკოლაზე და ირის ჯგუფის მიერ განხორციელებულ საერთაშორისო პროგრამებზე. პარალელურად, დირექტორის საზღვარგარეთ სწავლის პერიოდში, ითავსებს დირექტორის ფუნქციებს. აქვს მუშაობისა და მოხალისეობის გამოცდილება რამდენიმე არასამთავრობო ორგანიზაციასა და საგანმანათლებლო დაწესებულებაში. ამჟამად არის ბაკალავრიატის სტუდენტი შავი ზღვის საერთაშორისო უნივერსიტეტში. სწავლობს სოციალურ მეცნიერებათა ფაკულტეტზე საერთაშორისო ურთიერთობების მიმართულებით. ინტერესები: არაფორმალური განათლება, ქცევათმეცნიერება, მუსიკა, ინოვაციური ტექნოლოგიები, მოგზაურობა, ინტერკულტურული კომუნიკაციები.

ანა ბალგაუზენი

ანა ბალგაუზენი

მოხალისე პროგრამის ასისტენტი

ანამ ირის ჯგუფში მუშაობა დაიწყო 2018 წლის ოქტომბრიდან ევროპის სოლიდარობის კორპუსის ფარგლებში. დაიბადა და ცხოვრობდა ლატვიაში. მონაწილება მიუღია არაერთ ტრენინგში ევროპის მასშტაბით. რიგაში კოორდინატორობდა პროექტს „Latvian Community of Blind People“. ანა ორი წლის განმავლობაში მუშაობდა მოხუცთა თავშესაფარში მუსიკის და ინგლისური ენის მასწავლებლად. მცირე დროის განმავლობაში ასევე მუშაობდა კოორდინატორად რიგის თანამედროვე ხელოვნების გალერეაში. ანას დიდი გამოცდილება აქვს სოციალურ მუშაობაში და მოხალისეობაში. მისი მოვალეობები ირის ჯგუფში არის პროგრამების მენეჯერების დახმარება, ასევე, სოციალური მედიის მართვა და ალუმნი აქტიურობის ხელშეწყობა. ინტერესები: მუსიკა და ხელოვნების ისტორია, პედაგოგიკა, ბიუჯეტური მოგზაურობა, საერთაშორისო ურთიერთობები, ლაშქრობა, სპორტი და ა.შ.

Copyright 2019 © Gega Gagua. All rights reserved